रमज़ानुल मुबारक के जदीद मशाइल

رمضان المبارک کے جدید مسائل :

— — —— —— —— —— —— — —

مسئلہ : ❶ افطارکرنے کی دعا

افطار کے بعد پڑھنا سنت ہے قبل افطار نہیں

[ فتاویٰ رضویہ جلد٤ صفحہ٦۵۱ ]

— — —— —— —— —— —— — —

مسئلہ : ❷ روزہ کی حالت میں گل اور منجن اور کولگیٹ کا استعمال سخت ممنوع ہے بعض صورتوں میں روزہ ٹوٹ بھی جاتا ہے۔

[ فیصلہ فقہی بورڈ ]

— — —— —— —— —— —— — —

مسئلہ : ❸ روزہ کی حالت میں

انار اور بانس کی لکڑی کے علاوہ ہر کڑوی لکڑی کی ہی مسواک بہتر ہے۔

[ ردالمحتار جلد۱ صفحہ۲۳۵ ]

— — —— —— —— —— —— — —

مسئلہ : ❹ گلوز کا ڈراپ یا طاقت کا انجکشن لگوانے سے روزہ فاسد نہ ہو گا اگر چہ بھوک پیاس ختم ہو جائے،ہاں اگر بھوک پیاس سے بچنے کے لئے ایسا کرے تو مکروہ ہے۔

[ مستفاد از فتاویٰ ہندیہ ج۱ ص۲۰۳ ]

— — —— —— —— —— —— — —

مسئلہ : ❺ روزہ کی حالت میں

آنکھ میں دوا ڈالنے میں کوئی حرج نہیں

[ مستفاد از فتاویٰ شامی جلد۲ ص۳۹۵ ]

— — —— —— —— —— —— — —

مسئلہ : ❻ بغیرسحری کے روزہ رکھنا جائز ہے۔

[ فتاوی فیضُ الرسول جلد۱ صفحہ۵۱۳ ]

— — —— —— —— —— —— — —

مسئلہ : ❼ روزه کی حالت میں عطر لگانا،پھول سونگھنا،سرمہ لگانا، تیل لگانا،بال ترشوانا،موئے زیر ناف مونڈنا،بام لگانا،ویسلین یاکریم لگانا،تیل کی مالش کرنا یہ سب جائز ہیں ان سب چیزوں سے روزہ نہیں ٹوٹتا۔

[ فتاویٰ مرکزی دارالافتاء

بریلی شریف صفحہ ۳۵۸ ]

— — —— —— —— —— —— — —

مسئلہ : ❽ سورج ڈوبنے کے بعد بلا تاخیر

فوراً افطار کریں، اذان کا انتظار نہ کریں !

[ فتاویٰ فیضُ الرسول جلد۱ صفحہ۵۱٤ ]

— — —— —— —— —— —— — —

مسئلہ : ❾ ماہ رمضان کی راتوں میں

بیوی سے ہمبستری کرنا جائز ہے ‼

[ القرآن : پارہ۲/سورة البقره۱۸۷/رکوع۷ ]

— — —— —— —— —— —— — —

مسئلہ : ❿ روزہ رکھنے کے لئے حائضہ عورت اگر ٹیبلیٹ کا استعمال کرے تو اس کا روزہ صحیح ہے البتہ اس کا یہ فعل جائز نہیں کہ بہت ساری بیماریوں کے پیدا ہونے کا اندیشہ ہے۔

[ مستفاد از ہدایہ اولین صفحہ٦٣ ]

— — —— —— —— —— —— — —

مسئلہ : ⑪ روزہ کی حالت میں

غسل کرنے یا احتلام سے روزہ نہیں ٹوٹتا !

[ عام کتب فقہ / بہار شریعت / وغیرہ ]

— — —— —— —— —— —— — —

مسئلہ : ⑫ عید ،بقرعید اور ایام تشریق

۱۱، ۱۲، ۱۳ ذی الحجہ کو روزہ رکھنا حرام ہے۔

[ بہار شریعت / حِصَّہ۵ صفحہ ١٤٢ ]

— — —— —— —— —— —— — —

مسئلہ : ⑬ جو شخص روزہ نہ رکھے اس پر بھی صدقہ فطر واجب ہے کیونکہ صدقہ فطر کے وجوب کے لئے روزہ رکھنا شرط نہیں۔

[ فتاویٰ شامی جِلد۲ صفحہ٧٦ ]

— — —— —— —— —— —— — —

مسئلہ : ⑭ ادائے رمضان کا روزہ اور نذر معین ونفلی روزہ کی نیت رات سے کرناضروری نہیں اگر ضحوۂ کبری یعنی دوپہر سے پہلے نیت کرلی تب بھی یہ روزے ہو جائیں گے اور ان تینوں روزوں کے علاوہ قضائے رمضان نذر غیر معین اور نفل کی قضا وغیرہ روزوں کی نیت عین اجالا شروع ہونے کے وقت یارات میں کرنا ضروری ہے ان میں سے کسی روزہ کی نیت اگر دس بجے دن میں کی تو وہ روزہ نہ ہوا-

[ فتاویٰ عالمگیری جلد۱ صفحہ۱۳۸ ]

— — —— —— —— —— —— — —

مسئلہ : ⑮ حالت جنابت میں روزہ درست ہے۔اس سے روزے میں کوئی نقص وخلل نہیں آئے گا کہ طہارت باجماع ائمہ اربعہ شرط صوم نہیں ہے البتہ وہ شخص نمازیں قصدا چھوڑنے کے سبب اشد گناہ کبیرہ کا مرتکب ہو گا۔

[ فتاویٰ رضویہ شریف جِلد٤ صفحہ٦١۵ ]

— — —— —— —— —— —— — —

طالب دعا: